GoEcco / Landsyn

FREE Tour of Reykjavik featured on Icelandic National Broadcasting in August 2008.

Highlights from our Outdoor Adventures

Meet Goecco on Flickr PHOTO SHARING

NEWS - NEWS

November 2008
Goecco offers a FREE walking tour of Reykjavik from the 1st of May 2009.
more

November 2008
12,000 Gests on Walking Tours in Reykjavik during the 2008 season.
Haunted Walk is still Reykjavik´s most popular walking tour.
more

"Jonas has done it again. Straight talk.

Strong medicine.

A must-read' for every Travel Specialist.

I sincerely hope that our
competitors don't read this!"

Richard Branson
Virgin Airline
www.virgin.com

LANDSYN, spurningar og svör um sóknarfæri í Íslenskri Ferðaþjónustu.

Á komandi haustmánuðum mun koma út bókin LANDSYN.
Bókin fjallar í stórum dráttum um sóknarfæri Íslenskrar ferðaþjónustu.

Úrdráttur.

Leiðari.
Þau 15 ár sem ég hef starfað við ferðaþjónustu og að markaðsmálum hafa skilið eftir sig töluverða reynslu og vonandi einhverja visku.
Þegar litið er um öxl þá standa eftir þúsundir spurninga og svara. Oft eru þetta sömu spurningar þó áfangastaðir séu ekki þeir sömu né og viðskiptavinirnir. Ég ákvað því að skoða og skilgreina nokkrar þessara spurninga og velja úr þær sem ég tel mikilvægastar með það fyrir augum að yfirfæra megi þá þekkingu á íslenska ferðaþjónustu.

Margar þeirra spurninga sem ég hef staðið frammi fyrir hafa verið mjög góðar, aðrar barnalegar eins og gengur og sumar hreinlega heimskulegar. En flestar hafa þær á einn eða annan hátt leitt til frjórrar hugsunar og oft á tíðum gert mér kleift að skoða hin ýmsu málefni út frá nýjum hliðum.

Helsta ástæðana fyrir því að ég ákvað að taka spurningarnar saman í þessa bók og leita svara er útbreiddur misskilningur hjá leikmönnum og lærðum á hugtakinu markaðssetning ferðamála (e. Travel Marketing). Margir virðast telja að markaðssetning fjalli um að selja vöru sem þegar er til eða að koma út vöru sem til er á lager. Markaðssetningu er þannig oft ruglað saman við sölumennsku.

En reyndin er sú að markaðssetning og sölumennska jaðra við að vera andstæðrar merkingar.

Í nútíma samfélagi geta fyrirtæki í flestum tilfelum látið utanaðkomandi aðila framleiða þá vöru sem seld er á meðan fyrirtækið sjálft byggir á hugtökunum og markaðssetningu hugmynda: Bjóða fram þá vöru sem framleidd hefur verið á markað.

Í flestum tilfellum hefst sala vöru þegar hún hefur verið framleidd meðan markaðssetningn byrjar löngu áður en varan er framleidd. Markaðssetningu má skilgreina sem heimavinnu fyrirtækja sem hafa að megin markmiði að skoða og skilgreina hvað fólk vantar eða langar í.

Í framhaldi af þeirri greiningu er varan framleidd.

Í því ferli sem tengist markaðssetningu er farið í gegnum þætti eins og hvernig koma eigi vöru á markað, hvað hún eigi að kosta, hvernig hún eigi að líta út svo og hvar og hvernig best sé að kynna og selja vöruna. Eftir að varan er komin á markað felst markaðssetning í að mæla árangur, fylgjast með þróun og betrumbæta vöruna í söluferlinu. Markaðssetning ferðaþjónustu má þannig skilgreina sem langtímafjárfestingu fremur en skammtímasöluherferð.

Spyrja má hvort Ísland sem áfangastaður hafi verið seldur eða markaðssettur?

Ég mun leitast við að svara þeirri spurningu í bókinni. Ekki er ætlun mín að skrifa 500 síðna fræðibók heldur ætla ég að taka fyrir nokkrar knýjandi spurningar og leita svara sem lesandinn getur vonandi nýtt sér í markaðssetningu með tilliti til Íslands sem áfangastaðs.

Á þeim árum sem ég hef verið viðloðandi markaðssetningu ferðmála hef ég aldrei fengist við markaðssetningu á Íslandi. Ég hef hinsvegar verið meðlimur í hugsunar-bönkum (e.Think Tanks) þar sem áfangastaðir eru til dæmis Danmörk, Svíþjóð, Noregur, Kanada og Ameríka. Einnig hef ég verið í markaðsráðum menningaborga og hinum ýmsu sérverkefnum sem snúa að ferðamálum.

Sem Íslendingur og markaðsmaður búsettur erlendis komst ég ekki hjá því að bera saman það sem ég, og þeir aðilar sem ég hef unnið og vinn með, vorum eða erum að gera og svo því sem þeir sem eru að selja Ísland eru að gera. Þegar ég kom fyrst að markaðssetningu áfangastaða vaknaði vaknaði með mér sá þanki eða sýn að safna í sarpinn öllu því sem söluaðilar í íslenskri ferðaþjónustu gætu nýtt sér í óljósri framtíð.

Þannig ákvað ég snemma að skilgreina hvað virkar af þeim þúsundum hugmynda og verkefna sem ég hef komið að.

Alltaf eru sömu spurningarnar efst á baugi:
Hvaða markaðsaðferð er skilvirkust?
Hvað kosta tiltekin verkefni?
Hvað fæst út úr þeim til skamms tíma litið og þá til langs tíma?
Hvað skóp viðkomandi verkefni í beinum tekjum?
Og síðast en ekki síst: Hverja af þessum hugmyndum og verkefnum væri hægt að nýta sér á Íslandi.

Þegar ég lít til baka átta ég mig á hve svör við þessum spurningum eru mikilvæg og hve mikinn tíma söluaðilar í ferðaþjónustu geta sparað sér með því að nota markaðsleiðir sem þegar hafa sannað sig.

Bókin er afurð þessara hugleiðinga og samanstendur af spurningum og svörum. Ég vona að fólk geti lesið bókina alla eða að hluta, flett upp í henni og notfært sér við markaðssetningu ferðamála.

Ég er mér þess fyllilega meðvitaður um að ýmsir munu vera mér ósammála hvað varðar ýmis atriði. Sem er hið besta mál - enda bjóða sömu spurningar upp á mismunandi áherslur og útfærslur.

Bókin er skrifuð með eftirfarandi markhópa í huga.
Yfirmenn fyrirtækja sem vilja vita meira um grunnhugmyndir markaðsfræða.
Fjármálastjóra sem vilja fylgjast betur með í hvað markaðsframlög eru notuð og aðila sem standa að markaðssetningar á hinum ýmsu uppákomum.
Frumkvöðla sem eru að skipuleggja markaðssetningar á nýrri vöru eða þjónustu en hafa ekki tíma til að lesa allar þær bækur sem til eru um þessi fræði - stefnt er að því að hér sé um alhliða yfirlitsrit að ræða.
Fólk sem er að hefja feril sem starfsmenn innan ferðaþjónustunnar og vilja skilja betur grunnhugtök og hugmyndir markaðsmála.
Yfirmenn og stjórnendur sem hafa tekið námskeið í markaðssetningu en ekki fylgst gaumgæfilega með þeim breytingum sem orðið hafa á undanförnum misserum.
Markaðsmenn sem koma að ferðaþjónustu og vilja átta sig á þeim reginmun sem er á almennri markaðssetningu annarsvegar og markaðssetningu áfangastaða og ferðaþjónustu hinsvegar.

Síðast en ekki síst er bókin hugsuð fyrir almenning sem er hagsmunaaðili:
Almenningur greiðir starfsfólki fyrir að markaðssetja sína vöru, hann greiðir starfsfólki fyrir að markaðssetja einstaka áfangastaði, almenningur kýs sér aðila til að fara með samgöngu og ferðamál, það er almenningur sem veitir styrki til markaðsmála... og ekki síst treystir opinberum ferðamálaráðum fyrir því mikla ábyrgðarstarfi sem markaðssetning á heilu landi sem áfangastað er.

Það eru margar leiðir til að öðlast þekkingu á markaðsfræðum. Ég hef valið kerfi sem reynst hefur vel og er kallað Zen (e. Zen Learning). Þegar lært er eftir Zen kerfi þá er notuð innhverf íhugun í bland við rökrétta línulaga hugsun.

Ég ætla ekki að halda því fram að allar hugmyndir í þessari bók séu mínar eigin hugmyndir. Margar þessara hugmynda eru fengnar að láni hjá nokkrum af færustu mönnum á sviði markaðsmála sem um getur. Í sumum tilfellum nota ég beinar tilvitnanir. Annars staðar hafa þessir aðilar haft óbein áhrif á niðurstöður mínar og hugmyndir.

Ég hef tileinkað mér þessar hugmyndir af lestri fræðirita og bóka, samtölum, kennslu og ráðgjöf en ekki síst reynslu sem fylgir rekstri eigin fyrirtækja á sviði ferðamála.

Ég hef skipt bókinni upp í kafla og eru allar spurningarnar fremst í bókinni svo auðvelt sé fyrir lesandann að fletta upp á þeim spurningum þar sem vantar svör og hugmyndir, en hugsanlega enginn verið til að spyrja.

Lagt er upp með að svörin séu í flestum tilfellum stutt og hnitmiðuð.

Ég ætlaði upphaflega að kalla þessa bók: “Spurningar og svör í markaðssetningu ferðamála”. En svo datt mér í hug að nota gamlan og góðan frasa sem ég tel lýsa Íslandi sem áfangastað mjög vel “LANDSYN”.

Bon voyage!

Jónas Freydal Thorsteinsson
P.S Við lestur bóka sem þessarar er gagnlegt að hafa blað og blýant við hendina og skrifa niður hugleiðingar og hugmyndir sem kunna að vakna við lesturinn.

Eftirfarandi er stutt samantekt um höfundinn.

Fyrri bækur eftir sama höfund / Book list.
1993        The Cultural Nordic Manual. / English
1993         Nordic Art and Cultural Travel Marketing in the new century. / English.
1996         Cultural Capital of Europe "King for a day, vagabond for a night", project manual. / Danish / English.
2001         Insider Secrets to Online Travel Marketing (TMC), New century Edition. / English.
2003         BLUEPRINT 03, an update on Insider Secrets to Online Travel Marketing. / English.
2003         Gay Travel Report. Gay Target Marketing and travel stats. / English.
2004         BLUEPRINT 04, an update on Insider Secrets to Online Travel Marketing. / English.
2004         ESPERANTO, Philosophical Musical, Travel Targeting Project. / English.
2005         BLUEPRINT 05, an update on Insider Secrets to Online Travel Marketing. / English.
2005         ACCESS Travel Manual, project Planning for disabled travellers. / English.
2005         IMAGINE Iceland, Business Managment and opportunity project. / English.
2006         BLUEPRINT 06, an update on Insider Secrets to Online Travel Marketing. / English.
2008         LANDSYN, Critical Marketing Manual in Icelandic, focused on Icelandic Travel Marketing. / Icelandic.

Reykjavik Tours Corporate Teambuilding Booking About Us Home

Sightseeing Reykjavik Iceland